ជប៉ុន៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន ជួបពិភាក្សាការងារជាមួយនាយករដ្ឋមន្ត្រីជប៉ុន លោក គីស៊ីដា ហ្វូមីអូ ក្នុងកិច្ចប្រជុំកំពូលស្ដីពីបញ្ហាទឹកអាស៊ី-ប៉ាស៊ីហ្វិកលើកទី៤ នាទីក្រុង Kumamoto នៃប្រទេសជប៉ុន នារសៀលថ្ងៃទី២៣ ខែមេសា ឆ្នាំ២០២២នេះ។

បើតាមរដ្ឋមន្ត្រីប្រតិភូអមនាយករដ្ឋមន្ត្រី លោក ស្រ៊ី ថាមរ៉ុង្គ បន្ទាប់ពីមានជំនួបពិភាក្សាជាមួយនាយករដ្ឋមន្ត្រីជប៉ុន សម្ដេចតេជោក៏នឹងជួបជាមួយតំណាងក្រុមហ៊ុនក្រុមហ៊ុន Mitsubishi និងក្រុមហ៊ុនផ្សេងទៀតរបស់ជប៉ុនដើម្បីប្រាប់ពីសក្ដានុពល និងឱកាសនៃការវិនិយោគនៅកម្ពុជាផងដែរ។

បើតាមគម្រោងនាល្ងាចនេះនាយករដ្ឋមន្ត្រីជប៉ុន ក៏នឹងរៀបពិធីទទួលទានអាហារមួយជាពិសេសជូនដល់សម្ដេចតេជោផងដែរ៕